Vélbúnaður sóttur
Published on Wednesday, 14 March 2012 10:15 | 
| 
Síðastliðið sumar sendi Landsvirkjun bíl til að sækja vélbúnað úr Rafstöðinni. Búnaðurinn var fluttar til Blönduvirkjunar og hafa starfsmenn þar farið yfir hann. Gefa þeir vinnu sína sem metin er á 5 milljónir króna og mun efniskostnaður vera annað eins. Stjórn Rafstöðvarverkefnisins er þessa dagana að meta stöðuna og verður leitast við að sækja styrki fyrir framkvæmdir á bæði viðgerð húss og véla.
Vélbúnaður sóttur
Vinnuferð helgina 7.-8. maí
Published on Saturday, 14 May 2011 10:37 | |
Síðastliðna helgi kom hópur manna saman til að vinna við Rafstöðina og unnu bæði heimamenn að verkefninu ásamt nokkrum Arnfirðingum sem eru búsettir sunnan heiða. Verkefni helgarinnar var að teikna upp glugga og raflagnir ásamt því að ná út vélbúnað og gera kláran til flutnings. En Landsvirkjun hefur boðist til að taka vélarnar og gera þær upp og koma í gangfært ástand sé þess nokkur kostur.
Þeir sem komu sunnan megin frá tóku bátinn Baldur og var ferðin hin ánægjulegasta. Haft var á orði að ferðin hafi tekið helst til stuttan tíma af þessu sinni og ef lýsa á ferðinni í fáeinum orðum þá er það sól, spegilsléttur sjór og hlátrasköll orð sem koma upp í hugann.
Félag vélstjóra og málmtæknimanna veitir Rafstöðinni styrk
Published on Thursday, 05 May 2011 14:29 | |
Rafstöðin í Bíldudal fékk úthlutað styrk frá Félagi vélstjóra og málmtæknimanna. Styrkurinn er 400.000 kr. og veitti Jens Valdimarsson styrknum móttöku fyrir hönd Rafstöðvarinnar.
Aðstandendur Rafstöðvarinnar eru þakklátir styrknum sem kemur að góðum notum.
